Օգտվելով MASRENIFARM.AM-ից` Դուք Ձեր համաձայնությունն եք տալիս ստորև շարադրված պայմաններին, ինչպես նաև մեր Գաղտնիության քաղաքականությանը: Խնդրում ենք ուշադիր կարդալ դրանք: Առաքման և վճարման հետ կապված պայմաններին կարող եք ծանոթանալ Առաքում/վճարում  էջում:

 

  Խանութն իրեն իրավունք է վերապահում ժամանակ առ ժամանակ փոփոխություններ կատարել Կայքի բովանդակության, «Գաղտնիության քաղաքականության» մեջ և սույն «Օգտագործման պայմաններում»:

 

Պայմանները սահմանված են և մեկնաբանվում են` համաձայն ՀՀ օրենսդրության:

Գրանցում

MASRENIFARM-ում գրանցվելու համար Դուք պետք է լինեք 18 տարեկանից բարձր:

  Դուք հավաստում եք, որ գրանցման ժամանակ կամ դրանից հետո տրամադրված տվյալները ճշգրիտ և ամբողջական են:

Էլեկտրոնային նամակներ և հաղորդակցություն

  Երբ Դուք այցելում եք Կայք կամ մեզ էլ. փոստով նամակ եք ուղարկում, Դուք հաղորդակցվում եք մեզ հետ: Մենք Ձեզ հետ հաղորդակցվում ենք` էլեկտրոնային նամակներ ուղարկելով կամ Կայքում ծանուցումներ ու տեղեկություններ տեղադրելով: Փոխադարձ գործարքները պատշաճ ձևակերպելու նպատակով Դուք Ձեր համաձայնությունն եք տալիս` ստանալու մեր էլեկտրոնային հաղորդակցությունը:

MASRENIFARM.AM-ը իր հաճախորդներին ուղարկում է հետևյալ բնույթի էլեկտրոնային նամակներ (emails).

• Ի պատասխան Ձեր նամակների;
• Պատվերը հաստատող նամակ, որում ներառված է դրա վերաբերյալ ողջ տեղեկությունը, ինչպես նաև պատվերի առաքման կամ չեղարկման վերաբերյալ նամակ;
• Մեր նորույթների, տարատեսակ ակցիաների և այլնի վերաբերյալ նամակներ:

Հղումներ

  Կայքում տեղադրված որոշ հղումներ կարող են տանել դեպի այլ կայքեր, որոնք MASRENIFARM.AM-ի վերահսկողության տակ չեն գտնվում: Այսպիսի հղումներից որևէ մեկը սեղմելիս Դուք լքում եք MASRENIFARM.AM կայքը: Սույն պայմանների կիրառությունը չի տարածվում այն կայքերի վրա, ուր Դուք տեղափոխվել եք` սեղմելով MASRENIFARM.AM-ում տեղադրված հղումները:

Պատվիրված ապրանքի վերադարձ կամ փոխանակում

  Մեր մթերքների ետ վերադարձը հնարավոր է բացառապես որակային խնդիրներ նկատելու դեպքում:

  Այդուհանդերձ, եթե ապրանքը վերադարձնելու Ձեր ցանկությունը պայմանավորված է նրա որակական հատկանիշներով, Դուք կարող եք մեր առաքչի օգնությամբ փոխարինել տվյալ ապրանքը մեկ ուրիշով:

 

 Երբ Դուք սխալմամբ նույն ապրանքախմբին պատկանող, բայց այլ ապրանքանիշի ապրանք եք պատվիրել և ցանկանում եք փոխարինել այն Ձեր նախընտրածով, ապա այսպիսի դեպքերում Ձեզանից գանձվում է ապրանքների գների տարբերությունը` առկայության դեպքում և եթե ցանկանում եք օգտվել առաքման ծառայությունից նաև առաքման գումարը, եթե վերոնշյալ դեպքը տեղի է ունեցել մեր կողմից տեղի ունեցած սխալի պատճառով, ապա Ձեզանից գանձվում է միայն ապրանքների գների տարբերությունը` առկայության դեպքում, չի գանձվում առաքման գումարը:

Կայքի պատասխանատվությունը

  MASRENIFARM.AM կայքում տրված պատվերը իրենից ներկայացնում է Խանութին Ձեր կողմից արված առաջարկ` գնելու և առաքման միջոցով ստանալու որևէ ապրանք: Այդ առաջարկը համարվում է ընդունված, եթե Ձեր էլ. փոստին մեր կողմից ուղարկվում է պատվերը հաստատող նամակ, որտեղ նշված են պատվերի բոլոր մանրամասները: Այդ նամակը համարվում է Կայքի և Ձեր միջև կնքված պայմանագիր:

  Առաքման պահից սկսած ապրանքը հայտնվում է Ձեր տնօրինության տակ, և Ընկերությունը դրա որակի և ամբողջականության առումով ոչ մի պատասխանատվություն չի կրում:

 Խանութն ազատվում է պատասխանատվությունից իր ստանձնած պարտավորությունները չկատարելու կամ հետաձգված կատարելու համար, եթե դա պայմանավորված է մեր վերահսկողությունից դուրս գտնվող պատճառներով:

  Եթե սույն պայմաններից որևէ մեկը լիազոր մարմնի կողմից ճանաչվում է անվավեր, անօրինական կամ անկիրառելի, այդ պայմանը կանջատվի մնացած պայմաններից, որոնք կշարունակեն վավեր համարվել: